ບໍມີແລ້ວຄວາມຮັກຈະມອບໃຫ້
ເພາະຫົວໃຈແຫຼກແຫຼວລວງລໍ້ກັນ
ໃຫ້ພວົງຫ່ວງຫາໃຫ້ຮັກກວ່າດວງຊີວັນ
ແຕ່ແລ້ວມາລະພາກຈາກກັນຖິ້ມໄວ້!

ສຸດທານທົນທຸກປູກຮັກດ້ວຍຫວັງ
ຈະເດີນຮ່ວມທາງຊົ່ວຟ້າມະລາຍ
ມິນານຮັກຜັນຈືດຈາງໄປ
ປ່ອຍໃຈອ້າຍໃຫ້ຢູ່ກັບຄວາມຫຼັງ

ນ້ອງເພີດເພີນເດີນຫ້ວງເວຫາ
ເປັນດາຣາດອກຟ້າໂດ່ງດັງ
ສັງຄົມໃໝ່ນ້ອງຫຼົງໃຫຼໃຝ່ໄປເໝືອນດັ່ງ
ນົກນ້ອຍທີ່ລືມຄອນຫຼັງເກົ່າຄັ້ງເຄີຍມາ

ຍັງເຈັບຊ້ຳຣະກັມກວ່າໜາມປັກ
ມີແຜຮັກປັກແໜ້ນໃນອຸຣາ
ກວ່າປົວຫາຍມີໃຜຊ່ອຍກະຣຸນາ
ຈະມອບຊີວາຊົ່ວຟ້າມະລາຍ...

ສອງຄືນເປັນສາມມື້,

ບໍ່ແມ່ນຫຼົບຫຼີກເວັ້ນ.....ເຫີນຫ່າງທາງໃດ...ດອກເດ
ມີແຕ່ຈຳເປັນທຳ........ວຽກງານການສ້າງ
ຫາເງິນມາຊູຄ້ຳ........ລາຍວັນໃຊ້ຈ່າຍ
ທັງຢຸກຢາເຂົ້ານ້ຳ.......ຈຳເປັນແທ້ທຸກຄາວ

ທຸກວັນອອກຈາກຫ້ອງ ..ກ່ອນໄກ່ຂັນເດິກ
ເດີນທາງໄກພໍຄວນ.......ຄ່ຳຈຶ່ງຄືນເຮືອນຢ້າວ
ພໍກິນແລງລົງແລ້ວ........ໜັງຕາດືງຈ່ອງ
ໃຫ້ຕາຫຼັບແຈບຈ້ອຍ......ຄາໝ້ອງບ່ອນທີວີ!!

ຄືນວັນສຸກຄ່ຳນັ້ນ.........ຫຼັບຍາກເຫຼືອຫຼາຍ
ຍ້ອນວ່າໃຈພວົງຄິດ.......ວຽກການງານນີ້
ວ່າຈະເປັນໄປໄດ້...........ດິບດີຄືຄິດ.....ບໍ່ເດ
ຫຼັບຕື່ນຝັນພ່ອງຢ້ານ.......ລືມຟື້ນຕື່ນທັນ...ເວລາແຫຼ້ວ.

ສາມວັນທີ່ຜ່ານພົ້ນ.........ພອຍພ່ອງດີໃຈ
ໄດ້ໝາກຜົນພໍຄວນ........ດັ່ງແຜນຜັງນັ້ນ
ລູກຄ້າດີໃຈດ້ວຍ...........ເຫັນຄືນມາຮ່ວມ
ຕຼາດນັດຄຶກຄື້ນ............ຄືດ້າມດັ່ງຫຼັງ...

ສອງຄືນ, ສາມວັນນີ້.......ອິດເມື່ອຍພໍຄວນ
ມັນຜ່ານໄປຄືວັນ...........ອື່ນໃດເຄີຍໄດ້
ພຽງແຕ່ເປັນການເຣີ້ມ......ປີການຄືນໃໝ່
ຫວັງຄົງ ພາຜ່ານຂວ້າມ....ປີນີ້ດັ່ງໃຈ..ແທ້ເນີ!

ເຮີຍໆ ໂຕເມົາພິສັງ?

ກັນຊາ, ເຫຼົ້າ ຫຼື ເມົາຮັກ?
ເມົາເອໂກ ໂຕເອງ ປານ ນາກຊິສມ໌?
ຫຼືເມົາພິດຢາບ້ານ້ຳມ່າ...ຜັກ?

ເຮີຍໂຕເມົາຫຍັງກັນແທ້?
ຄືຫົວແຖທຸກວັນປານວ່າມັນໜັກ
ດ້ວຍຂີ້ກົ່ວ, ຂີ້ເຫຼັກ, ຂີ້ເລື່ອຍ
ຫຼືໂຕເມື່ອຍສຳປະທານເອົາໜານຜັກ?

ໂອ...ໂຕເມື່ອຍນຳຊາວບ້ານ
ທີ່ຈົ່ມວ່າການຫາກິນຍາກ
ບໍ່ມີໄຮ່ມີນາທີ່ຖືກໝາຍປັກ
ຖືກລັກຢ່າງໜ້າດ້ານທຸກບ້ານເລີຍ?

ບໍ່ແມ່ນຕິເນາະແນວນີ້
ເພາະໂຕມີອຳນາດສູງຍິ່ງນັກ
ສາວນ້ອຍໃຫຍ່ໃຫ້ໂຕສຽບປານມີດໃນຝັກ
ໂຕຄົງເມົາອຳນາດຮັກຮັກໂຕເອງເພັງພວກພັກ!
ຈຶ່ງເມົາໜັກຫຼັກສີນທັມຕ່ຳກວ່າສູນ

ເມົາບໍ່ເປີດບໍ່ໜ່າຍມັນງ່າຍຂົ່ມ
ຖົມກົດໝາຍທີ່ໄດ້ຮ່າງສ້າງອະທິປະໄຕ
ເພື່ອຮັບໃຊ້ອຸດົມການດ່ານຄົນໄກ
ເຂົາບົ່ງບອກຈຸດປະສົງທີ່ເຂົາຢາກໄດ້
ໂຕກະໂງຫົວຂື້ນບໍ່ໄຫວຍ້ອນເງື່ອນໄຂຂອງຣີດເມົາ!!!.

ຄ້າຍດອກຄູນ

ຄ້າຍດອກຄູນ

ຈັ່ງແມ່ນເປັນດອກຄ້າຍ........ຄືດັ່່ງດອກຄູນເດ
ເຫຼືອງປ່ອຍຫຼ່ອຍຍອຍຍາວ.....ດັ່ງຜົມເປັຍນາງນີ້
ງາມບໍມີບ່ອນຕ້ອງ..............ຕິແນວໃດຈັກຢ່າງ
ປຽບດັ່ງດວງດອກແກ້ວ.........ຄູນບ້ານອີ່ແມ່ເຮົາ

ຍາມເຫັນໃຈຄ່່ຳຄ້ອຍ..........ຍອຍຢັັ່ງຢັງເຖິງຈິດ
ຕາຫຼັບໄປໃຝ່ຄິດ...............ໄຄ່ຄນືງເຖິງຮວງຫ້າວ
ໝາກຄູນກໍມີນ້ຳ................ຫວານໆຊອນຢູ່ກາບ
ຍາມແມ່ຄ້ຽວໝາກຫັນ........ແກ່ນຄູນຫຍ້ຳ ພ່ຳກັນ...

Lubię to! ·  · Wstrz

ຄືນ ຕັດສີນໃຈ...

ຄືນທີ່ມົວມືດຄື້ມ........... ຄຸ່ນຄິດສອງຈິດ
ຈະຢູ່ຮຽງເຮືອນຫໍ .........ຫ່າງຈອນໜີຈ້ອນ
ຫຼືຈະນອນທົນສູ້ ............ອົດສູຍາກຍິ່ງ
ຈະປ່ວງຕາຍດາບໜ້າ .......ຍັງແງ້ນຮ່ຳຮອນ

ເຫດການຜັນປ່ຽນປີ້ນ......ເປັນອື່ນອຸດົມການ
ຄຳທີ່ເຄີຍສັນຍາ............ຍົກໂຍນປານຄ້ອນ
ພາກັັນກັບແປປີ້ນ............ຄຳຕົນຕ້ານກ່າວ
ບໍ່ຫ່າວເຫັນເຫດຮ້າຍ........ຄອງເຄົ້າເສື່ອມເສັຍ

ພາກັນຫຼົງເຄີບເຄີ້ມ..........ຄອງຮີດແນວເຂົາ
ຮັກໝູ່ຄົນທາງໄກ...........ກວ່າພົງພັນເຊື້ອ
ເຂົາກ່າວຫຍັງພຽງຄັ້ງ......ຟັງຄວາມຄືນາຍສັ່ງ
ບາດວ່າສຽງຮຽກຮ້ອງ .....ລູງປ້າປ່າຍໜ້າໜີ

ຄືນທີ່ມົວມືດນັ້ນ............ນຳໝູ່ຄົນສນິດ
ມິດງຽບປານເມືອງຜີ........ຍ່າງລົງລອຍຂ້າມ
ຕັດສີນໃຈໄປໜ້າ............ຫຼຽວຫຼັງເອີ້ນສັ່ງ
ບ້ານເກີດເອີຍພໍ່ຂ້ອຍ........ຈົ່ງຄອຍມື້ຊິຕ່າວມາ...

ຫາກຈະຖອດຄວາມແບບລາວໆເຮົາກໍຄວນເອົາແບບວ່າ 
,,ອັນວ່າເປັນຍິງນີ້ໃຫ້ທຳນຽມຄືນົກເຈົ່າ
ຍາມເມື່ອບິນຜ່ານຜ້າຍໃຫ້ຂາວແຈ້ງດັ່ງນົກຍາງ.``

ແຕ່ຖ້ອຍຄຳທັງເໝິດຫັ້ນພໍແກະໄດ້ດັ່ງນີນ້ອງວັນນະສອນ:

,,ຄ່າຄວາມເປັນຜູ່ຍິງນັ້ນ ຫາຊິແມ່ນຕາງາມຂຳ
ຫຼືແຜ່ນຜິວຄິງບາງ ຮ່າງອໍຣະຊອນນັນ
ຫຼືເນື້ອໜັງກົມກ້ຽງຜີວພັນຂາວຜ່ອງ ດອກໜາ
ແຕ່ຫາກແນວອື່ນພຸ້ນຂຶງຄ້ຳຜູ່ເຫັນ

ຄວາມເປັນສຕຣີກໍ ຄືງາມແຫ່ງຈິດໃຈ, 
ຄວາມອ່ອນໂຍນ, ອຸ່ນອົບອາຍໃຫ້
ຄວາມເຂົ້າອົກເຂົ້າໃຈພ້ອມຜາຍສີໃສສງ່າ
ມີທັກສະພຽບພ້ອມຍາມຢູ່ໃກ້ມິ່ງສມອນ ເຈ້າເອີຍ.

ປີໃໝ່ມາຮອດແລ້ວ.......ເອົາຫຍັງແນ່ມານຳ
ຫຼືວ່າມາຄືເຮົາ................ຫວ່າງລົງມາກ້ຳ
ດິນແດນກວ້າງ..............ປັຖພີໂລກລຸ່ມ
ມີແຕ່ໂຕຂໍ້ຫຼໍ້..................ທັງຫົວກໍ້ຂາດຜົມ

ຫວັງວ່າເຣີ້ມປີນີ້..............ສຸຂີຈົ່ງນຳທາງ
ບຸກເບີກເບີຍນຳໄປ...........ສູ່ຈຸດໝາຍນັ້ນ
ທຸກແຂນງແນວສ້າງ..........ໃຫ້ເຫັນຜົນໝາຍມຸ່ງ
ຢ່າມີເວນຈ່ອງທ້າຍ............ເຮືອຫຼົ້ມຫວ່າງແປວ...ເທາະໜາ.

ໃຫ້ຍາດມິດພີ່ນ້ອງ...............ຈິດພ່ອງເຫັນໄກ
ຂໍຮ່ຳຮອນຄນຶງຄິດ...............ສູ່ແນວໃຫ້ຖັນຖ້ວນ
ຄວາມຜິດຫວັງຄາວກີ້...........ຢ່າຄືນມີອີກໃໝ່
ຂໍປີຈົ່ງຊອຍຊວ້ານ...............ທຸກຄົນໄດ້ດັ່ງໝາຍ

ຄວາມຫຼັງໄລລະຖິ້ມ..................ຂົມຂື່ນຂິນຫູ
ຂໍຈົ່ງເຫັນແສງສີ....................ສິ່ງງາມໃນທ້ອງ
ພາຍລຸ່ມຟ້າ...........................ຄືສຸຣິຍາຍາມຄ່ຳ
ຂໍໂທດ-ອະໄພຈົ່ງໃຫ້.................ກັນໄວ້ກ່ອນຕາຍ...ຫັ້ນແຫຼ້ວ!

ຕອນນີ້ກຳລັງສລຸບຜົນຊື້ຜົນຂາຍປີກາຍເພື່ອເຣີ້ມຕົ້ນປີຂອງການທຳມາຄ້າຂາຍແຕ່ອົດໃຈບໍ່ໄດ້ມາແວະອ່ານຂ່າວອ່ານກອນ!

ຄິດເຫັນແທ້ຄາວກ່ອນກີ້......ຈັບກະບອງລົງທ່າ
ກົບຂຽດໂມ້.....................ຜ່າງຈູ້ມຊຸມລີ້ຢູ່ກ້ອງໃບ

ມີໃບຖົ່ວໃບມັນພ້ອມ..........ງູກໍຊອມຈອບຂຽດ
ຈັ່ງແມ່ນເວນແທ້ໆ.............ໂຕຂຽດຝັ່ງຂອງ

ຕົກມາໃນດຽວນີ້................ຮູ້ຂ່າວແສນສລົດ
ແມ່ນແຕ່ສຽງຂັບຂານ..........ຂຽດຫາຍເສັຍສິ້ນ
ທັງຄັນຄາກ......................ເຄີຍຄອງບ້ານບ່ອນ
ໃຜກະປະປ່ອຍໃຫ້...............ມັນໄດ້ຢູ່ສະບາຍ

ຕົກມາຮອດມືນີ ...............ຫາຍາກຄັນຄາກເອີຍ
ພາກັນຈັບ......................ໃສ່ກະເປົ່າສົ່ງໄປທາງພຸ້ນ
ແຖວທາງກ້ຳ...................ສາຍພູຫຼວງແດນຫ່າງ
ຄັນຄາກໄຫ້.....................ຍາມຂ້ອຍຍ່າງກາຍ!!!

ຮອດບໍເຫັນຮອຍໃຫ້..........ພໍສາຍຕາໄດ້ເບີ່ງ
ສັງມາເຈັບແສບແທ້..........ເຂັນຂ້ອນຂອດຊວງ..ເຈົ້າເອີຍ.

ອັນວ່າແກງໜໍ່ໄມ້.............ຕຳໝາກຫຸ່ງຍາມມາ
ກິນມື້ສອງສາມທີ.............ບໍ່ເບື່ອເລີຍພໍດີ້
ຄາວກ່ອນອາວຖາມຂ້ອຍ....ຢາກເຊິນກິນເຂົ້າຄ່ຳ
ແຕ່ບໍ່ຮູ້ວ່າຫຼານຜູ່ນ້ອຍ.......ຊິເອົາຫຍັງຕ້ອນຈັ່ງຊິສົມ

ບາດວ່າຫຼານຕອບແລ້ວ......ອາວຫ່າວດີໃຈ
ຄັນວ່າຄືໄທເຮົາ...............ບໍ່ແຄງຄາຍເບື້ອງ
ກິນເອາະໄກ້...................ກິນແກງຈຸດຈີ່.ອາວເອີຍ
ຫາກແມ່ນຜຳຜ່ອງໄດ້........ໃຈຫຼານປືມປາບເຫຼືອ...ແທ້ແຫຼ້ວ.