ເອ້ ອັກສອນ

ບໍມີແລ້ວຄວາມຮັກຈະມອບໃຫ້
ເພາະຫົວໃຈແຫຼກແຫຼວລວງລໍ້ກັນ
ໃຫ້ພວົງຫ່ວງຫາໃຫ້ຮັກກວ່າດວງຊີວັນ
ແຕ່ແລ້ວມາລະພາກຈາກກັນຖິ້ມໄວ້!

ສຸດທານທົນທຸກປູກຮັກດ້ວຍຫວັງ
ຈະເດີນຮ່ວມທາງຊົ່ວຟ້າມະລາຍ
ມິນານຮັກຜັນຈືດຈາງໄປ
ປ່ອຍໃຈອ້າຍໃຫ້ຢູ່ກັບຄວາມຫຼັງ

ນ້ອງເພີດເພີນເດີນຫ້ວງເວຫາ
ເປັນດາຣາດອກຟ້າໂດ່ງດັງ
ສັງຄົມໃໝ່ນ້ອງຫຼົງໃຫຼໃຝ່ໄປເໝືອນດັ່ງ
ນົກນ້ອຍທີ່ລືມຄອນຫຼັງເກົ່າຄັ້ງເຄີຍມາ

ຍັງເຈັບຊ້ຳຣະກັມກວ່າໜາມປັກ
ມີແຜຮັກປັກແໜ້ນໃນອຸຣາ
ກວ່າປົວຫາຍມີໃຜຊ່ອຍກະຣຸນາ
ຈະມອບຊີວາຊົ່ວຟ້າມະລາຍ...